این ڈی ایم اے کا ملک بھر میں 24 جولائی تک شدید بارشوں اور سیلاب کا الرٹ؛ دریائے چناب پر اونچے درجے کا طوفان

نیشنل ڈیزاسٹر مینجمنٹ اتھارٹی (NDMA) نے 24 جولائی 2026 تک شدید مون سون بارشوں اور مغربی ہواؤں کے سلسلے کے باعث ملک کے مختلف دریاؤں اور ندی نالوں میں سیلابی صورتحال کا الرٹ جاری کر دیا ہے۔ این ڈی ایم اے کے مطابق گلگت بلتستان، خیبر پختونخوا، آزاد کشمیر، بلوچستان اور پنجاب کے بیشتر اضلاع میں تیز اور موسلادھار بارشوں کے باعث اچانک سیلاب اور پہاڑی نالوں میں طغیانی کا خدشہ ہے۔ این ڈی ایم اے نے دریائے چناب میں مرالہ کے مقام پر اونچے درجے اور دریائے جہلم میں منگلا کے بالائی علاقوں میں درمیانے درجے کے سیلاب کی پیشگوئی کی ہے، جبکہ راولپنڈی، گوجرانوالہ، سیالکوٹ اور پشاور سمیت دیگر بڑے شہروں کے نشیبی علاقوں میں اربرن فلڈنگ کے خطرے کے پیش نظر شہریوں کو غیر ضروری سفر سے گریز کی ہدایت کی گئی ہے۔