گلگت بلتستان، کے پی، آزاد کشمیر میں سیلاب کا خدشہ، الرٹ جاری
Web Desk
18 July 2026
نیشنل ڈیزاسٹر مینجمنٹ اتھارٹی (NDMA) نے 18 سے 23 جولائی تک ملک کے طول و عرض بشمول گلگت بلتستان، خیبرپختونخوا، آزاد کشمیر، پنجاب اور بلوچستان میں شدید بارشوں کے باعث اچانک سیلاب (فلیش فلڈنگ)، شہری سیلاب (اربن فلڈنگ) اور لینڈ سلائیڈنگ کا ہائی الرٹ جاری کر دیا ہے۔ این ڈی ایم اے کے نیشنل ایمرجنسی آپریشن سینٹر (NEOC) کے مطابق تمام ممکنہ خطرات کی پیشگی تشخیص اور متعلقہ اداروں کو بروقت معلومات کی فراہمی یقینی بنائی جا رہی ہے۔ الرٹ کے مطابق شدید بارشوں کے باعث مقامی ندی نالوں، برساتی گزرگاہوں اور پہاڑی علاقوں میں اچانک سیلاب کا خدشہ ہے جبکہ گلگت بلتستان کے دریاؤں میں درمیانے سے بلند درجے کے سیلاب کا امکان ہے۔ خیبرپختونخوا کے بالائی و وسطی اضلاع اور آزاد کشمیر کے دریاؤں نیلم، جہلم، پونچھ اور ملحقہ ندی نالوں میں پانی کے بہاؤ میں نمایاں اضافے کا امکان ہے۔ اس کے ساتھ ہی 19 سے 24 جولائی تک آزاد جموں و کشمیر کے اضلاع نیلم، حویلی، پونچھ، مظفرآباد، باغ، کوٹلی، سدھنوتی، میرپور اور بھمبر کے پہاڑی علاقوں میں لینڈ سلائیڈنگ کے شدید خطرات موجود ہیں، جس سے مظفرآباد، باغ، کہوٹہ اور بھمبر کی اہم شاہراہوں پر ٹریفک متاثر ہو سکتی ہے۔
این ڈی ایم اے نے پنجاب اور شمال مشرقی بلوچستان میں بھی 17 سے 23 جولائی تک ممکنہ سیلابی صورتحال کا الرٹ جاری کیا ہے۔ پنجاب کے اضلاع سیالکوٹ، نارووال، گجرات، ڈی جی خان، راجن پور، مری اور گلیات جبکہ بلوچستان کے ژوب، شیرانی، موسیٰ خیل، لورالائی، ہرنائی، سبی، کوہلو اور جعفرآباد کے برساتی نالوں میں طغیانی کا شدید امکان ہے۔ مزید برآں، دریائے چناب، راوی اور ان سے منسلک ندی نالوں میں پانی کے بہاؤ میں اضافے کے باعث نشیبی علاقوں کے مکینوں کو محتاط رہنے کی ہدایت کی گئی ہے۔ ادارے نے پنجاب، اسلام آباد اور خیبرپختونخوا کے بڑے شہروں میں 18 سے 23 جولائی تک شہری سیلاب (اربن فلڈنگ) کا خدشہ بھی ظاہر کیا ہے، جس کی زد میں راولپنڈی، اسلام آباد، لاہور، فیصل آباد، گوجرانوالہ، گجرات، سیالکوٹ، نارووال، حافظ آباد، شیخوپورہ، پشاور، نوشہرہ، مردان اور چارسدہ کے نشیبی علاقے آ سکتے ہیں۔ این ڈی ایم اے نے تمام متعلقہ اداروں کو ہنگامی مشینری اور ریسکیو ٹیمیں الرٹ رکھنے کی سخت ہدایت کی ہے، جبکہ عوام کو غیر ضروری سفر سے گریز کرنے، برساتی نالوں اور خطرناک راستوں سے دور رہنے اور مستند معلومات کے لیے ‘پاک این ڈی ایم اے ڈیزاسٹر الرٹ ایپ’ استعمال کرنے کا مشورہ دیا ہے۔
متعلقہ عنوانات
حکومت کا پیٹرول اور ڈیزل کی قیمتوں میں 2 روپے فی لیٹر کمی کا اعلان، نئی قیمتوں کا اطلاق 17 نومبر کو ایک روز کے لیے ہوگا
16 November 2026
امیرِ تبلیغی جماعت مولانا نذر الرحمن کی نمازِ جنازہ لاہور میں ادا کر دی گئی، اندرون و بیرونِ ممالک سے لاکھوں افراد کی شرکت
16 November 2026
اڈیالہ جیل میں خاتون قیدی کے سیل سے 7 چھوٹے سانپ نکلنے کی خبر بے بنیاد اور من گھڑت قرار: سپرنٹنڈنٹ اڈیالہ جیل
16 November 2026
امریکا اب دنیا کا عظیم ترین ملک ہے، دو سال پہلے ایسا نہیں تھا، ٹرمپ
16 November 2026
پاکستانی گیمر عاطف بٹ نے تھائی لینڈ میں ٹیکن 8 چیمپئن شپ جیت لی
16 November 2026
10 ویں پاکستان صنعتی نمائش اختتام پذیر، 150 ملکی و غیر ملکی کمپنیوں کی شرکت
16 November 2026
اگر بانی کو کچھ ہوا تو حکمران اور انہیں قید رکھنے والے تمام افراد ذمہ دار ہوں گے: علامہ ناصر عباس
16 November 2026
اسحاق ڈار اور ایرانی وزیر خارجہ کی ملاقات، دوطرفہ تعاون مزید مضبوط بنانے پر اتفاق
16 November 2026