نیب کی تاریخ کی سب سے بڑی ریکوری: کوہستان اسکینڈل میں فرنٹ مین ممتاز خان نے 4.05 ارب روپے جمع کرائ

اسلام آباد: قومی احتساب بیورو (نیب) نے اپنی تاریخ کی سب سے بڑی یکمشت ریکوری مکمل کی، جس میں کوہستان میگا کرپشن اسکینڈل کے مرکزی ملزم قیصر اقبال کے فرنٹ مین ممتاز خان نے قومی خزانے میں 4 ارب 5 کروڑ روپے جمع کرانے کے بعد رہائی حاصل کرلی۔

نیب ذرائع کے مطابق ممتاز خان نے پلی بارگین کے تحت رقم نقد، جائیداد اور گاڑیوں کی صورت میں جمع کروائی۔ اسکینڈل میں قیصر اقبال نے اپنے فرنٹ مین کو استعمال کرتے ہوئے جعلی کمپنی کے بینک اکاؤنٹس کے ذریعے قومی خزانے سے بڑی رقم منتقل کی۔

ذرائع نے بتایا کہ اس اسکینڈل میں ملوث چھتیس سے زائد ملزمان پہلے ہی نیب کی حراست میں ہیں، جبکہ تیس ارب روپے کے اثاثے سیل اور بینک اکاؤنٹس منجمد کر دیے گئے ہیں۔