ایم کیو ایم پاکستان کا 27 ستمبر کو پی آئی بی اسٹیڈیم میں جنرل ورکرز اجلاس کا اعلان

متحدہ قومی موومنٹ (ایم کیو ایم) پاکستان نے 27 ستمبر کو کراچی کے پی آئی بی اسٹیڈیم میں جنرل ورکرز اجلاس منعقد کرنے کا باضابطہ اعلان کیا ہے۔ ایم کیو ایم پاکستان کے چیئرمین ڈاکٹر خالد مقبول صدیقی کی ہدایت پر اس اہم ترین تنظیمی اجتماع کی تیاریوں کا آغاز کر دیا گیا ہے۔

ترجمان ایم کیو ایم کے مطابق پی آئی بی اسٹیڈیم میں ہونے والے اس جنرل ورکرز اجلاس کے دوران ایم کیو ایم پاکستان کی اعلیٰ قیادت پارٹی کے آئندہ کے تنظیمی اور سیاسی لائحہ عمل کا جامع اعلان کرے گی۔ اس اجلاس میں کارکنان کی بڑی تعداد شرکت کرے گی جہاں اہم فیصلے اور سیاسی اعلانات متوقع ہیں۔