حسن نصراللہ مزاحمتی محاذ کی عظیم علامت ہیں، مجتبیٰ خامنہ ای

ایرانی سپریم لیڈر مجتبیٰ خامنہ ای نے حزب اللہ کے شہید سربراہ حسن نصراللہ کی دوسری برسی کے موقع پر انہیں شاندار خراج عقیدت پیش کرتے ہوئے کہا ہے کہ وہ عرب دنیا کے ہیرو اور مزاحمتی محاذ کی عظیم علامت ہیں، جبکہ شیخ نعیم قاسم اب ان کے مشن کو کامیابی سے آگے بڑھا رہے ہیں۔ اپنے ایک پیغام میں انہوں نے واضح کیا کہ امام خمینی کے انقلاب نے غیر ملکی تسلط کے دور کا ہمیشہ کے لیے خاتمہ کر دیا ہے اور آج ایران محض چوتھی نہیں بلکہ دنیا کی “پہلی سپر پاور” ہے۔ مجتبیٰ خامنہ ای کا کہنا تھا کہ آبنائے ہرمز کے محافظوں کی بدولت اب دشمن بحیرۂ عرب سے آگے بڑھنے کی جرات نہیں کر سکتا۔ انہوں نے مزید کہا کہ اسرائیل کے خلاف لبنان کی مزاحمت کے یہ ایام تاریخ میں ہمیشہ یاد رکھے جائیں گے، اور مجاہدین کا حوصلہ بڑھانے کے لیے ایرانی عوام گزشتہ سات ماہ سے سڑکوں پر بھرپور جوش و خروش کا مظاہرہ کر رہے ہیں۔