اسلام آباددھماکے کی منصوبہ بندی داعش نے افغانستان میں کی، ماسٹرمائنڈکوگرفتارکرلیا، محسن نقوی
Web Desk
7 February 2026
اسلام آباد میں خودکش دھماکے کی منصوبہ بندی داعش نے افغانستان میں کی۔ داعش سے تعلق رکھنے والا حملے کاماسٹر مائنڈ گرفتارکیاجاچکاہے۔ وفاقی وزیرداخلہ محسن نقوی کی اسلام آبادمیں اہم پریس کانفرنس۔
وزیرداخلہ نے بتایاکہ جمعے اورہفتے کی درمیانی شبخیبرپختونخوا میں سی ٹی ڈی اور دیگر سیکیورٹی اداروں نے مشترکہ آپریشن کرکے ماسٹر مائنڈ اورتین دیگر سہولت کاروں کو گرفتارکیا۔ اس کارروائی کے دوران پولیس کا ایک اے ایس آئی شہید اورتین اہلکار زخمی ہوئے۔
محسن نقوی نے انکشاف کیاکہ اس سارے واقعے کی منصوبہ بندی اور حملہ آور کی تربیت افغانستان میں ہوئی۔ دو افراد نے ریکی کی اور حملہ آوریاسر کو افغانستان سے یہاں لایا گیا۔افغانستان میں ٹی ٹی پی اور داعش سمیت 21 دہشت گرد تنظیمیں سرگرم ہیں، پاکستان میں جو دہشت گردی ہو رہی ہے، اس کے تانے بانے افغانستان سے ہی ملتے ہیں۔ پاکستان میں ہونے والی دہشت گردی کی فنڈنگ اور منصوبہ بندی بھارت سے ہو رہی ہے۔ بھارت سے ان دہشت گردوں کو اہداف دیے جاتے ہیں اور پہلے جہاں 500 ڈالرز دیے جاتے تھے، اب بڑھا کر 1500 ڈالرز کر دیے گئے ہیں۔
وزیرداخلہ کاکہناتھاکہ ہم حالت جنگ میں ہیں، بلوچستان، خیبرپختونخوا یا کسی اور جگہ ہمیں کمیونٹی انٹیلی جنس کی سب سے زیادہ ضرورت ہے۔ اگر شہری بھی ہماری مدد کریں تو ہمیں اس کا فائدہ ہو گا۔
محسن نقوی کا کہنا تھا کہ میں دعوے سے کہہ سکتا ہوں کہ ایک دھماکا ہو رہا ہے تو ہم 99 روک بھی رہے ہیں، لیکن اس کی تفصیلات ہم سامنے نہیں لا سکتے۔
نیوز کانفرنس کے دوران محسن نقوی نے دہشت گردی سے نمٹنے کے لیے درکار وسائل میں کمی کا بھی شکوہ کیا۔ اُن کا کہنا تھا کہ دہشت گرد جدید امریکی اسلحہ استعمال کر رہے ہیں۔ ہمیں اُن سے نمٹنے کے لیے اپنی حکمت عملی بھی تبدیل کرنا ہو گی۔
متعلقہ عنوانات
اینتھروپک کے حصص کی فروخت، کمپنی کی مالیت 15 کھرب تک پہنچ گئی
20 November 2026
ورلڈ آرٹ دبئی میں 10 ہزار فن پارے نمائش کیلئے پیش، قیمتیں 100 سے 20 ہزار ڈالر تک
20 November 2026
جدید تحقیق اور ٹیکنالوجی کے فروغ کیلئے شارجہ انوویشن ڈیز 2026ء کا افتتاح کر دیا گیا
20 November 2026
پاکستان سمیت 15 ممالک کی مقبوضہ فلسطینی علاقوں میں اسرائیلی بستیوں کی تعمیر کی مذمت
20 November 2026
گزشتہ چند گھنٹوں میں حملوں کے دوران 144 حوثی کمانڈرز اور جنگوؤں کو ہلاک یا زخمی کردیا: یمنی فورسز
19 November 2026
شی جن پنگ اور پیوٹن بھی ایران جنگ کا خاتمہ چاہتے ہیں: امریکی صدر
19 November 2026
ایران کیخلاف استعمال ہونے والی ہر سرزمین ہمارا ہدف ہوگی: پاسداران انقلاب کا انتباہ
19 November 2026
خطے کے ممالک جارح قوتوں کو ایران کیخلاف اپنی سرزمین کا استعمال کرنے سے روکیں، ایرانی وزارت خارجہ
19 November 2026