خطے میں پائیدار امن کیلئے پاکستان کی مشترکہ کوششیں جاری ہیں، محسن نقوی

وفاقی وزیرِ داخلہ محسن نقوی سے برطانوی ہاؤس آف لارڈز کے رکن لارڈ ضمیر چوہدری نے ملاقات کی، جس میں علاقائی امن، استحکام اور پاکستان میں سرمایہ کاری کے مواقع پر تبادلۂ خیال کیا گیا۔ ملاقات میں لارڈ ضمیر چوہدری نے خطے میں امن کے لیے حکومت اور فیلڈ مارشل کی کاوشوں کو سراہتے ہوئے کہا کہ پاکستان کی مثبت پالیسیوں سے غیر ملکی سرمایہ کاری کا اعتماد بحال ہو رہا ہے۔ وزیرِ داخلہ محسن نقوی نے کہا کہ خطے میں پائیدار امن کے لیے پاکستان کی مشترکہ کوششیں جاری ہیں اور امید ہے کہ اس بار بھی اچھے نتائج سامنے آئیں گے۔ انہوں نے پاکستان میں تمام غیر ملکی سرمایہ کاروں کو مکمل سہولیات فراہم کرنے کی یقین دہانی بھی کروائی۔