محسن نقوی کی سربراہ پاسداران انقلاب سے ملاقات، مشرقِ وسطیٰ کی صورتحال پر گفتگو

وفاقی وزیرِ داخلہ محسن نقوی نے اپنے سرکاری دورۂ تہران کے دوران ایران کے سربراہ پاسدارانِ انقلاب (آئی آر جی سی) جنرل احمد وحیدی سے ایک اہم ملاقات کی، جس میں مشرقِ وسطیٰ کی درپیش حساس صورتحال اور خطے کے سیکیورٹی چیلنجز پر تفصیلی تبادلہ خیال کیا گیا۔ ترجمان وزارتِ داخلہ کے مطابق محسن نقوی اس وقت تہران کے دورے پر ہیں جہاں ان کی ایرانی اعلیٰ قیادت اور سیکیورٹی حکام سے اہم ملاقاتوں کا سلسلہ جاری ہے۔

ملاقات کے دوران محسن نقوی اور جنرل احمد وحیدی نے مشرقِ وسطیٰ میں مسلسل بڑھتی ہوئی کشیدگی، علاقائی امن و استحکام اور پاک-ایران باہمی دلچسپی کے سیکیورٹی امور پر تبادلہ خیال کیا۔ اس سے قبل وفاقی وزیرِ داخلہ نے اپنے ایرانی ہم منصب سکندر مومنی سے بھی ایک تفصیلی ملاقات کی تھی، جس میں دوطرفہ تعلقات کی مضبوطی، سرحدی انتظام (بارڈر مینجمنٹ)، مختلف شعبوں میں باہمی تعاون کو فروغ دینے اور خطے کی مجموعی سیاسی و سیکیورٹی صورتحال پر غور و خوض کیا گیا