چین کا مشترکہ سلامتی کے فروغ پر زور ایران کے دیرینہ اصول کی عکاسی ہے، قالیباف

ایرانی پارلیمنٹ (مجلس) کے سپیکر محمد باقر قالیباف نے ایک اہم پالیسی بیان میں کہا ہے کہ مشترکہ سلامتی کے فروغ سے متعلق چین کا حالیہ موقف ایران کے دیرینہ اسٹریٹجک اصول اور موقف کی عکاسی کرتا ہے۔ اپنے بیان میں انہوں نے واضح کیا کہ خطے میں حقیقی استحکام اور پائیدار امن بیرونی مداخلیت سے نہیں بلکہ صرف اور صرف مقامی سطح پر تشکیل دیے گئے نئے سیکیورٹی فریم ورک کے ذریعے ہی ممکن ہے۔ انہوں نے زور دیا کہ خطے کا نیا سیکیورٹی نظام خود خطے کے ممالک کی مشترکہ کوششوں اور ان کی مرضی سے بنایا جانا چاہیے۔