بھارتی سٹاک مارکیٹ میں عالمی سرمایہ کاری 17 سال کی کم ترین سطح پر پہنچ گئی

وزیرِ اعظم نریندر مودی کی ناکام معاشی پالیسیوں کے باعث غیر ملکی سرمایہ کاروں کا بھارتی اسٹاک مارکیٹ پر سے اعتماد مکمل طور پر اٹھ گیا ہے۔ عالمی جریدے ‘بلوم برگ’ (Bloomberg) کے مطابق عالمی سرمایہ کاروں کی بھارتی شیئرز میں دلچسپی ختم ہو چکی ہے اور متعدد بین الاقوامی کمپنیوں نے بھارت میں اپنی سرمایہ کاری صفر کر دی ہے۔ رپورٹ کے مطابق مصنوعی ذہانت (AI) کے شعبے میں مواقع کی عدم دستیابی اور کمپنیوں کے متوقع منافع میں مسلسل کمی کی وجہ سے غیر ملکی سرمایہ کار بھارتی مارکیٹ سے اپنا سرمایہ تیزی سے نکال رہے ہیں۔

بینک آف امریکہ (Bank of America) کے حالیہ سروے کے مطابق غیر ملکی سرمایہ کاروں کی عدم دلچسپی کی بنا پر بھارتی اسٹاک ایکسچینج میں غیر ملکی سرمایہ کاری 17 سال کی کم ترین سطح پر گر چکی ہے، جس کے باعث بھارت اب ایشیا کی سب سے کم پسندیدہ مارکیٹ بن گیا ہے۔ بھارتی معیشت کی اس زبوں حالی اور اسٹاک مارکیٹ کے بحران نے مودی سرکار کے معاشی خوشحالی کے تمام تر بلند بانگ دعووں اور پروپیگنڈے کی قلعی کھول کر رکھ دی ہے۔