پڑوسی ممالک ایران پر حملوں کے لیے اپنی سرزمین استعمال نہ ہونے دیں: پزشکیان

ایرانی صدر مسعود پزشکیان نے خطے کے ہمسایہ ممالک پر زور دیا ہے کہ وہ اپنی سرزمین کو ایران کے خلاف امریکی حملوں کے لیے استعمال نہ ہونے دیں۔ ایک انٹرویو کے دوران انہوں نے کہا کہ ایران کے تمام تمام علاقائی ممالک سے برادرانہ تعلقات ہیں اور تہران کو کسی پڑوسی ملک سے کوئی مسئلہ نہیں، اصل تنازع خطے میں قائم امریکی فوجی اڈے ہیں جہاں سے ایران کو نشانہ بنایا جا رہا ہے۔ انہوں نے مزید کہا کہ امریکہ تیل کے ذخائر پر قبضے اور مہلک ہتھیار بیچ کر خطے میں انتشار پھیلا رہا ہے۔ مسعود پزشکیان نے یورپی اتحاد کی طرز پر خطے کے ممالک کو سیکیورٹی اور تجارت کے لیے مشترکہ حکمتِ عملی اپنانے کی تجویز بھی دی۔

پاک امریکہ تعلقات اور جوہری مذاکرات کے حوالے سے بات کرتے ہوئے ایرانی صدر نے کہا کہ امریکہ کو ‘اسلام آباد مفاہمتی یادداشت’ کے مطابق تہران پر سے تمام پابندیاں ختم کرنا ہوں گی، اور معاہدے کے بعد دوبارہ مذاکرات کا امریکی مطالبہ سمجھ سے بالاتر ہے۔ انہوں نے امریکہ کے ساتھ براہِ راست مذاکرات کا فی الحال امکان رد کرتے ہوئے کہا کہ جارحیت کی شروعات واشنگٹن نے کی ہے لہٰذا خاتمہ بھی اسے ہی کرنا ہوگا۔ مسعود پزشکیان نے سعودی عرب سے جنگ کے تاثر اور حوثیوں میں مداخلت کو رد کرتے ہوئے مزید بتایا کہ ایران کے سپریم لیڈر مجتبیٰ خامنہ ای بالکل محفوظ اور زندہ ہیں اور حکومت کے تمام سیاسی و سیکیورٹی امال کی باقاعدہ رہنمائی کر رہے ہیں۔