الزام سے کچھ نہیں ہوگا، بلاول اپنے بیانیے اور کارکردگی پر مزید محنت کریں: مریم نواز
Web Desk
28 July 2026
وزیراعلیٰ پنجاب مریم نواز نے آزاد کشمیر انتخابات میں مسلم لیگ (ن) کی کامیابی پر قائد نواز شریف، وزیراعظم شہباز شریف اور پارٹی کارکنان کو مبارکباد پیش کرتے ہوئے کہا ہے کہ میرپور ڈویژن کے عوام نے ن لیگ پر بھرپور اعتماد کا اظہار کیا ہے۔ انہوں نے پیپلز پارٹی پر تنقید کرتے ہوئے کہا کہ انتخابی مہم کے دوران نامناسب زبان استعمال کی گئی اور پیپلز پارٹی کے جلسوں میں عوامی شرکت نہ ہونے کے برابر تھی۔ انہوں نے زور دیا کہ جمہوریت میں عوام کے ووٹ اور فیصلے کو کھلے دل سے تسلیم کرنا چاہیے۔
چیئرمین پیپلز پارٹی کو مخاطب کرتے ہوئے وزیراعلیٰ پنجاب کا کہنا تھا کہ صرف الزامات لگانے سے کچھ نہیں ہوگا، بلاول بھٹو زرداری کو اپنے بیانیے اور کارکردگی پر مزید محنت کرنی چاہیے۔ انہوں نے کہا کہ سندھ میں 17 سال سے حکومت ہونے کے باوجود پیپلز پارٹی عوام کو کوئی نمایاں ترقیاتی منصوبہ دکھانے میں ناکام رہی ہے۔ مریم نواز کے مطابق یہ آرٹیفیشل انٹیلی جنس کا دور ہے جہاں حقائق چھپائے نہیں جا سکتے اور عوام صرف نعروں کے بجائے عمل اور کارکردگی کی بنیاد پر فیصلے کرتے ہیں۔
مریم نواز نے مزید کہا کہ آزاد کشمیر کے عوام پنجاب کی طرز پر ترقی، پکی سڑکیں اور کسان کارڈ جیسے منصوبے چاہتے ہیں۔ انہوں نے کہا کہ گزشتہ ایک سال سے آزاد کشمیر میں پیپلز پارٹی کی حکومت قائم رہنے کے باوجود بلاول بھٹو وفاقی حکومت پر الزامات عائد کرتے رہے۔ ان کا کہنا تھا کہ جب اپنی کارکردگی صفر ہو تو دھاندلی کا شور مچانا آسان ہوتا ہے، جبکہ پیپلز پارٹی کے اپنے امیدواروں کی مبینہ دھاندلی کی ویڈیوز سوشل میڈیا پر وائرل ہو چکی ہیں۔
متعلقہ عنوانات
حکومت کا پیٹرول اور ڈیزل کی قیمتوں میں 2 روپے فی لیٹر کمی کا اعلان، نئی قیمتوں کا اطلاق 17 نومبر کو ایک روز کے لیے ہوگا
16 November 2026
امیرِ تبلیغی جماعت مولانا نذر الرحمن کی نمازِ جنازہ لاہور میں ادا کر دی گئی، اندرون و بیرونِ ممالک سے لاکھوں افراد کی شرکت
16 November 2026
اڈیالہ جیل میں خاتون قیدی کے سیل سے 7 چھوٹے سانپ نکلنے کی خبر بے بنیاد اور من گھڑت قرار: سپرنٹنڈنٹ اڈیالہ جیل
16 November 2026
امریکا اب دنیا کا عظیم ترین ملک ہے، دو سال پہلے ایسا نہیں تھا، ٹرمپ
16 November 2026
پاکستانی گیمر عاطف بٹ نے تھائی لینڈ میں ٹیکن 8 چیمپئن شپ جیت لی
16 November 2026
10 ویں پاکستان صنعتی نمائش اختتام پذیر، 150 ملکی و غیر ملکی کمپنیوں کی شرکت
16 November 2026
اگر بانی کو کچھ ہوا تو حکمران اور انہیں قید رکھنے والے تمام افراد ذمہ دار ہوں گے: علامہ ناصر عباس
16 November 2026
اسحاق ڈار اور ایرانی وزیر خارجہ کی ملاقات، دوطرفہ تعاون مزید مضبوط بنانے پر اتفاق
16 November 2026