میرپور نے شیر پر مہر لگا کر اعلان کر دیا ترقی ن لیگ سے جڑی ہے: مریم اورنگزیب

سینئر وزیر پنجاب مریم اورنگزیب نے آزاد کشمیر قانون ساز اسمبلی کے انتخابات میں مسلم لیگ (ن) کی واضح اکثریت اور کامیابی پر ردِ عمل دیتے ہوئے کہا ہے کہ قائد ن لیگ نواز شریف اور وزیراعلیٰ پنجاب مریم نواز کی 24 جولائی کو میرپور آمد کے موقع پر ہی عوام نے ن لیگ کے حق میں فیصلہ سنا دیا تھا۔ انہوں نے کہا کہ میرپور کے عوام نے ‘شیر’ پر مہر لگا کر باضابطہ ثابت کر دیا ہے کہ آزاد جموں و کشمیر کی حقیقی ترقی اور خوشحالی صرف مسلم لیگ (ن) کے دور سے جڑی ہے۔ مریم اورنگزیب نے مزید کہا کہ 21 جولائی کو مظفر آباد بھی اپنا فیصلہ سنا چکا ہے اور 2 اگست کو کشمیری عوام شیر کے نشان پر مہر لگا کر اپنے فیصلے کا باضابطہ اعلان کریں گے۔ غیر حتمی و غیر سرکاری نتائج کے مطابق مختلف حلقوں میں پی پی پی اور ن لیگ کے درمیان سخت مقابلہ دیکھنے میں آیا، تاہم ن لیگ کو واضح برتری حاصل ہوئی۔