کشمیر پاکستان کی شہ رگ، کوئی طاقت الگ نہیں کر سکتی: مریم اورنگزیب
Web Desk
18 July 2026
پنجاب کی سینئر صوبائی وزیر مریم اورنگزیب نے کہا ہے کہ کشمیر پاکستان کی شہ رگ ہے اور دنیا کی کوئی بھی طاقت اسے پاکستان سے الگ نہیں کر سکتی۔ پنجاب کے شہر گوجرخان میں ایک بڑے عوامی جلسے سے خطاب کرتے ہوئے انہوں نے واضح کیا کہ اس وقت کشمیر میں 100 ارب روپے مالیت کے بڑے ترقیاتی منصوبوں پر تیزی سے کام جاری ہے، کیونکہ کشمیر اور پاکستان لازم و ملزوم ہیں اور کشمیر کے فیصلے کشمیر کی دھرتی پر ہی ہوں گے۔ انہوں نے کہا کہ مسلم لیگ (ن) کے قائد نواز شریف اور وزیراعظم شہباز شریف نے ہمیشہ کشمیر کا مقدمہ عالمی سطح پر بہادری سے لڑا ہے۔ مریم اورنگزیب کا کہنا تھا کہ ملک بھر میں پھیلے ترقیاتی منصوبے سابق وزیراعظم نواز شریف کی عوامی خدمت کا منہ بولتا ثبوت ہیں، جنہیں عوام نے تین مرتبہ ملک کا وزیراعظم منتخب کیا اور آج ملک کے ہر خطے میں ان کے کاموں کے نقوش موجود ہیں۔
اپنے خطاب میں سینئر صوبائی وزیر نے سیاسی مخالفین کو شدید تنقید کا نشانہ بناتے ہوئے کہا کہ دوسروں پر الزام تراشی کرنے والے اپنے صوبوں میں عوام کی خدمت کے لیے کوئی نمایاں کام کرنے میں ناکام رہے ہیں۔ انہوں نے عوام پر زور دیا کہ وہ ووٹ مانگنے والوں سے ان کی کارکردگی کا حساب ضرور لیں اور پوچھیں کہ انہوں نے اپنے دورِ اقتدار میں کیا کیا۔ مریم اورنگزیب نے مزید کہا کہ مسلم لیگ (ن) نعروں کے بجائے عملی اقدامات اور خدمت کی سیاست پر یقین رکھتی ہے، یہی وجہ ہے کہ پنجاب حکومت اس وقت صوبے میں عوام کو صحت کی بہترین سہولتیں فراہم کر رہی ہے اور مختلف شعبوں میں فلاح و بہبود کے منصوبوں پر تیزی سے عمل درآمد جاری ہے۔
متعلقہ عنوانات
حکومت کا پیٹرول اور ڈیزل کی قیمتوں میں 2 روپے فی لیٹر کمی کا اعلان، نئی قیمتوں کا اطلاق 17 نومبر کو ایک روز کے لیے ہوگا
16 November 2026
امیرِ تبلیغی جماعت مولانا نذر الرحمن کی نمازِ جنازہ لاہور میں ادا کر دی گئی، اندرون و بیرونِ ممالک سے لاکھوں افراد کی شرکت
16 November 2026
اڈیالہ جیل میں خاتون قیدی کے سیل سے 7 چھوٹے سانپ نکلنے کی خبر بے بنیاد اور من گھڑت قرار: سپرنٹنڈنٹ اڈیالہ جیل
16 November 2026
امریکا اب دنیا کا عظیم ترین ملک ہے، دو سال پہلے ایسا نہیں تھا، ٹرمپ
16 November 2026
پاکستانی گیمر عاطف بٹ نے تھائی لینڈ میں ٹیکن 8 چیمپئن شپ جیت لی
16 November 2026
10 ویں پاکستان صنعتی نمائش اختتام پذیر، 150 ملکی و غیر ملکی کمپنیوں کی شرکت
16 November 2026
اگر بانی کو کچھ ہوا تو حکمران اور انہیں قید رکھنے والے تمام افراد ذمہ دار ہوں گے: علامہ ناصر عباس
16 November 2026
اسحاق ڈار اور ایرانی وزیر خارجہ کی ملاقات، دوطرفہ تعاون مزید مضبوط بنانے پر اتفاق
16 November 2026