صدر سے ملاقات کے بعد بھی میئر ممدانی کا ٹرمپ کو فاشسٹ قرار دینے پر موقف برقرار

شہر نیویارک کے میئر ظہران ممدانی نے کہا ہے کہ وہ اب بھی یقین رکھتے ہیں کہ امریکا کے صدر ڈونلڈ ٹرمپ فاشسٹ ہیں۔

میڈیا رپورٹس کے مطابق ممدانی نے یہ بیان وائٹ ہاؤس میں ٹرمپ سے گرمجوش ملاقات کے دو دن بعد دیا۔ ایک انٹرویو میں میئر نے کہا کہ یہ وہ بات ہے جو میں نے ماضی میں کہی تھی اور آج بھی کہتا ہوں۔

واضح رہے کہ ملاقات کے دوران دونوں رہنماؤں نے کئی مہینوں کے باہمی الزامات کو پس پشت رکھتے ہوئے شہر کے مستقبل پر تعاون کا وعدہ کیا تھا۔

دوسری جانب، ٹرمپ نے میئر کے انتخابات میں کامیابی کے بعد ایک سوشل میڈیا پوسٹ میں ممدانی کو “100 فیصد کمیونسٹ پاگل” قرار دیا، جبکہ ممدانی نے صدر پر جمہوریت پر حملہ کرنے کا الزام عائد کیا۔