امریکا میں نجی جیٹ طیارہ ٹیک آف کے دوران تباہ، آٹھ افراد سوار تھے

امریکی ریاست مائن کے شہر بینگر میں ایک نجی جیٹ طیارہ اتوار کی شام ٹیک آف کے دوران حادثے کا شکار ہو گیا۔
امریکی فیڈرل ایوی ایشن ایڈمنسٹریشن (FAA) کے مطابق Bombardier Challenger 650 بزنس جیٹ میں مجموعی طور پر آٹھ افراد سوار تھے، جن میں عملے کے تین ارکان اور ممکنہ طور پر پانچ مسافر شامل تھے۔
بینگر انٹرنیشنل ایئرپورٹ انتظامیہ کے مطابق حادثے کے فوراً بعد ایمرجنسی ٹیموں نے کارروائی شروع کی، جبکہ امدادی سرگرمیاں کئی گھنٹوں تک جاری رہنے کا امکان ہے۔
حادثے کے باعث ایئرپورٹ کو رات بھر کے لیے بند کر دیا گیا ہے اور تحقیقات نیشنل ٹرانسپورٹیشن سیفٹی بورڈ (NTSB) کے ساتھ مل کر کی جائیں گی۔