شدید دھند، موٹروے ایم ون پشاور سے برہان تک بند

پشاور میں شدید دھند اور حد نگاہ میں کمی کے باعث موٹروے ایم ون کو پشاور سے برہان تک عارضی طور پر بند کر دیا گیا ہے۔

موٹروے پولیس کے ترجمان کے مطابق دھند کی شدت اس حد تک بڑھ گئی ہے کہ ڈرائیورز کے لیے سفر خطرناک ہو گیا ہے، اسی لیے ٹریفک کو مؤخر کیا گیا ہے۔ ترجمان نے شہریوں سے اپیل کی ہے کہ غیر ضروری سفر سے گریز کریں اور ضروری سفر کی صورت میں انتہائی احتیاط، دھیرے رفتار اور گاڑیوں کی لائٹس کا درست استعمال یقینی بنائیں۔

موٹروے پر کوئیک ریسپانس ٹیمیں کسی بھی ہنگامی صورتحال کے لیے تیار ہیں اور دھند کم ہوتے ہی موٹروے کو فوری طور پر ٹریفک کے لیے کھول دیا جائے گا۔ شہریوں کو مشورہ دیا گیا ہے کہ وہ ٹریفک اپ ڈیٹس اور موٹروے پولیس کے جاری کردہ اعلامیے باقاعدگی سے چیک کرتے رہیں۔