لیفٹیننٹ جنرل عامر رضا کی بطور فور سٹار جنرل ترقی، کمانڈر نیشنل سٹریٹجک کمانڈ مقرر

وزیراعظم شہباز شریف نے چیف آف جنرل اسٹاف لیفٹیننٹ جنرل عامر رضا (ہلالِ امتیاز ملٹری، ستارہ بسالت) کو 4 اسٹار جنرل کے عہدے پر ترقی دیتے ہوئے کمانڈر نیشنل اسٹریٹجک کمانڈ مقرر کر دیا ہے۔ وزیراعظم نے جنرل عامر رضا کو ان کی ترقی اور نئی اہم ذمہ داری سنبھالنے پر مبارکباد پیش کی اور ان کے لیے نیک خواہشات کا اظہار کیا۔ واضح رہے کہ جنرل عامر رضا اس سے قبل چیف آف جنرل اسٹاف (CGS) کے اہم ترین منصب پر اپنے فرائض سر انجام دے رہے تھے۔