ایل پی جی مزید مہنگی، گھریلو سلنڈر کی قیمت میں نمایاں اضافہ

اوگرا نے ایل پی جی کی قیمتوں میں بڑا اضافہ کر دیا ہے اور نئے نوٹیفکیشن کے مطابق ایل پی جی 7 روپے 39 پیسے فی کلو مہنگی ہو گئی، جس کے بعد نئی قیمت 208 روپے 99 پیسے فی کلو مقرر کر دی گئی ہے۔

اسی طرح 11.8 کلو کا گھریلو سلنڈر 87 روپے 21 پیسے مہنگا ہو گیا اور اس کی نئی قیمت 2466 روپے 10 پیسے طے کی گئی ہے، جبکہ قیمتوں میں اضافے کا اطلاق فوری طور پر ہوگا۔

اس سے قبل حکومت نے اگلے پندرہ دنوں کے لیے پیٹرولیم مصنوعات کی قیمتوں میں کمی کا اعلان کیا تھا، جس کے تحت پیٹرول 2 روپے فی لیٹر اور ڈیزل 4 روپے 79 پیسے فی لیٹر سستا کیا گیا، جس سے دونوں مصنوعات کی نئی قیمتیں بالترتیب 263 روپے 45 پیسے اور 279 روپے 65 پیسے فی لیٹر مقرر ہوئیں۔