ڈی جی لبنانی داخلی سکیورٹی فورسز کی یو این عبوری امن فوج کے سربراہ سے ملاقات

لبنان کی داخلی سکیورٹی فورسز کے ڈائریکٹر جنرل میجر جنرل رائد عبداللہ نے اقوامِ متحدہ کی عبوری امن فوج (UNIFIL) کے سربراہ میجر جنرل دیوداتو اباگنارا سے ایک اہم ملاقات کی ہے۔

ملاقات کے دوران دونوں رہنماؤں نے جنوبی لبنان کی سرحدی سکیورٹی کی مجموعی صورتحال، باہمی تعاون اور سکیورٹی اداروں کے درمیان رابطہ کاری پر تفصیلی تبادلہ خیال کیا۔ دونوں کمانڈرز نے جنوبی سرحد پر امن و استحکام برقرار رکھنے اور سکیورٹی تعاون کو مزید مؤثر بنانے کی ضرورت پر زور دیا۔

واضح رہے کہ یہ ملاقات ایک ایسے وقت میں ہوئی ہے جب لبنان میں یونیفل (UNIFIL) کا مینڈیٹ رواں سال 31 دسمبر کو ختم ہو رہا ہے، جس کے ساتھ ہی لبنان میں اس کے 48 سالہ طویل امن مشن کی مدت کا باقاعدہ اختتام ہو جائے گا۔ یونیفل کو گزشتہ برسوں کے دوران مختلف حلقوں کی جانب سے کارکردگی اور دیگر معاملات پر شدید تنقید کا سامنا بھی رہا ہے۔