LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
مکہ معاہدے کے تحت سعودی عرب کا دفاع ترجیح ہے، حاقان فیدان مولانا فضل الرحمان جہاں غلط ہوں گے وہاں کہا جائےگا: گورنر خیبر پختوںخوا خیبر پختونخوا کے ترقیاتی پیکیج کے 10 ارب روپے جاری ہونا خوش آئند: ثمر بلور پاکستان تحریک انصاف نے ایڈووکیٹ نیاز اللہ خان نیازی کو پارٹی کی سیاسی کمیٹی میں بھی شامل کر لیا پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن 12 مئی دوبارہ نہیں ہونے دیں گے، مذاکرات ہی مسائل کا حل ہیں، میئر کراچی ایک وزیر آجکل مجھ پر تبصرے کر رہا ہے، جواب دیا تو منہ چھپانےکے قابل نہیں رہےگا: محسن نقوی استنبول: ساتویں عالمی ویمن سمٹ، اعظم نذیر تارڑ کی قیادت میں پاکستانی وفد کی شرکت پاکستان 23 سے 26 نومبر تک اسلام آباد میں نیوکلیئر سیکیورٹی نیٹ ورک کے 15ویں سالانہ اجلاس کی میزبانی کرے گا پاکستان تحریک انصاف خیبر پختونخوا کے اراکینِ قومی اسمبلی کا اسلام آباد میں اہم اجلاس نئے صوبوں کا قیام ملک کی ترقی اور سلامتی کیلئے ناگزیر ہے: مصطفیٰ کمال محسن نقوی کا نادرا سنٹر پیکو روڈ کا دورہ، مسائل کے حل کیلیے موقع پر ہی احکامات جاری سرکاری قرضوں میں ایک سال کے دوران 6 ہزار 200 ارب روپے کا بھاری اضافہ ایران اور روس کے درمیان جوہری تعاون جاری رہے گا: روسی عہدیدار

مسنگ پرسن پوری دنیا کا مسئلہ، سویلین کا ملٹری ٹرائل ہو سکتا ہے: اعظم نذیر

Web Desk

7 February 2026

اسلام آباد: وفاقی وزیر قانون اعظم نذیر تارڑ نے کہا ہے کہ مسنگ پرسنز کا معاملہ صرف پاکستان میں نہیں بلکہ دنیا بھر میں موجود ہے، اور قانون کے مطابق سویلین افراد کا ملٹری کورٹ میں ٹرائل ہو سکتا ہے۔

اعظم نذیر تارڑ نے عاصمہ جہانگیر کانفرنس سے خطاب کرتے ہوئے کہا کہ وہ مسنگ پرسنز کے جوڈیشل کمیشن کا حصہ ہیں اور سنجیدگی سے کام کر رہے ہیں۔ انہوں نے بتایا کہ لاپتہ افراد کے لیے ریلیف بیکج متعارف کرایا گیا ہے، اور نئی کمیٹی لاپتہ افراد کے معاملات پر مزید توجہ دے گی۔

وفاقی وزیر قانون نے کہا کہ دہشت گردی کے واقعات میں ہلاک افراد میں اکثر مسنگ پرسنز شامل ہوتے ہیں۔ حکومت نے سوشل میڈیا پر توہین مذہب روکنے کے لیے اقدامات کیے، جس کے نتیجے میں کیسز میں کمی آئی۔

انہوں نے مزید کہا کہ گھریلو تشدد پر بھی قانون سازی کی جا رہی ہے اور اختلافات معاشرے کے حسن کا حصہ ہیں۔ انہوں نے آئینی ترمیم اور 26 ویں ترمیم پر اپنی وضاحت پیش کی، جس میں سپریم کورٹ کے اختیار، پارلیمنٹ کی قانونی طاقت، اور ججز کے ٹرانسفر کے طریقہ کار پر تفصیل بیان کی۔

اعظم نذیر تارڑ نے واضح کیا کہ آئینی عدالت نے اپنا کام شروع کر دیا ہے، اور وقت کے ساتھ پتہ چلے گا کہ فیصلے درست ہیں یا نہیں۔ انہوں نے کہا کہ وہ خود وہ آخری شخص ہوں گے جو سویلین کے ملٹری ٹرائل کی حمایت کرے گا، لیکن قانون کے تحت اور آئینی دائرے میں یہ ممکن ہے۔

وفاقی وزیر قانون نے زور دیا کہ آرمی تنصیبات پر حملے کرنے والوں کا ٹرائل فوجی عدالتوں میں ہونا قانونی اور آئینی طور پر درست ہے۔