امریکی ریاست کیلیفورنیا میں برفانی تودا گرنے سے 8 سیاح ہلاک

امریکا کی ریاست کیلیفورنیا کے مشہور سیاحتی مقام لیک ٹاہو میں برفانی تودہ گرنے کے ایک افسوسناک واقعے میں 8 سیاح جان کی بازی ہار گئے۔ امریکی میڈیا کے مطابق یہ گزشتہ 40 برسوں میں ملک کا سب سے مہلک ترین برفانی تودہ گرنے کا واقعہ قرار دیا جا رہا ہے۔

نیواڈا کاؤنٹی کے شیرف نے واقعے کی تصدیق کرتے ہوئے بتایا کہ سیاح برفانی تودے کی زد میں آ کر ہلاک ہوئے، جبکہ امدادی ٹیموں نے کارروائی کرتے ہوئے متاثرہ گروپ کے 6 ارکان کو بحفاظت ریسکیو کر لیا ہے۔

شیرف دفتر کی جانب سے جاری کردہ بیان میں کہا گیا ہے کہ یہ سیاح شمالی کیلیفورنیا کے سیرا نیواڈا پہاڑوں میں تین روزہ مہم پر تھے، جہاں اس سے قبل بھی اسی گروپ کے 6 افراد مختلف چھوٹے واقعات میں زخمی ہوئے تھے جنہیں فوری طبی امداد دی گئی تھی۔ تاہم، اس حالیہ تودے نے بڑے پیمانے پر تباہی مچائی جس کے نتیجے میں قیمتی جانوں کا ضائع ہوا۔ حکام کے مطابق اتنی بڑی تعداد میں ہلاکتوں کے باعث یہ واقعہ گزشتہ چار دہائیوں کا بدترین حادثہ بن گیا ہے۔