اورنج ٹرین، سپیڈو اور میٹرو بسوں میں ٹوکن اور کارڈ سسٹم ختم

لاہور کی اورنج لائن ٹرین، اسپیڈو اور میٹرو بس سروس میں روایتی ٹوکن اور پرانا کارڈ سسٹم باضابطہ طور پر ختم کر دیا گیا ہے۔ پنجاب ماس ٹرانزٹ اتھارٹی (PMA) کے مطابق مسافر اب سفر کے لیے ٹی کیش کارڈ، موبائل ایپ اور اے ٹی ایم (ATM) کارڈ کا استعمال کر سکیں گے۔ حکام نے واضح کیا ہے کہ پرانے کارڈز میں موجود بقایا بیلنس واپس نہیں کیا جائے گا، تاہم کارڈ متعلقہ اسٹیشن پر جمع کرانے پر 130 روپے کی سیکیورٹی رقم واپس ملے گی۔ دوسری جانب شہریوں اور مسافروں نے شکوہ کیا ہے کہ پیشگی اطلاع کے بغیر نظام تبدیل کیا گیا اور سسٹم ختم ہونے کے باوجود کاؤنٹرز پر پرانے کارڈز ری چارج کیے جاتے رہے۔