لاہور کے علاقے سکھ نہر میں مکان کی چھت گر گئی، 3 بچوں سمیت 9 افراد جاں بحق

لاہور کے علاقے باغبانپورہ، بھٹہ محمد دین کالونی (نزد سکھ نہر) میں خستہ حال تین منزلہ مکان کی مٹی اور ٹی آر گارڈر سے بنی چھت اچانک گرنے سے 10 افراد ملبے تلے دب گئے، جس کے نتیجے میں 3 بچوں سمیت 9 افراد جاں بحق ہو گئے۔ پولیس اور ریسکیو حکام کے مطابق یہ واقعہ رات 10 بج کر 15 منٹ پر پیش آیا، جہاں عمارت میں 3 خاندان رہائش پذیر تھے۔ واقعے کی اطلاع ملتے ہی ریسکیو 1122 کی 6 ایمرجنسی گاڑیوں اور 20 اہلکاروں نے امدادی کارروائیاں شروع کیں۔ وزیراعلیٰ پنجاب مریم نواز شریف نے قیمتی جانوں کے ضیاع پر شدید افسوس کا اظہار کرتے ہوئے ڈی سی لاہور کو موقع پر پہنچنے اور زخمیوں کو بہترین طبی سہولیات فراہم کرنے کی ہدایت کی ہے۔