خیبر پختونخوا کابینہ نے صوبائی ہیلتھ پالیسی کی منظوری دیدی

خیبر پختونخوا کابینہ نے صوبائی ہیلتھ پالیسی، پیشہ وارانہ تحفظ و صحت قواعد اور موٹر وہیکلز آرڈیننس میں ذاتی رجسٹریشن نمبر کے نظام کو مزید مؤثر بنانے کے لیے اہم ترامیم کی منظوری دے دی ہے۔ وزیر اعلیٰ سہیل خان کی صدارت میں منعقدہ کابینہ اجلاس کے دوران نئی ہیلتھ پالیسی کی منظوری دی گئی، جس کے تحت جدید ٹیکنالوجی، ڈیجیٹل نظام اور تربیت یافتہ عملے کے ذریعے عوام دوست صحت کا نظام یقینی بنایا جائے گا۔ اس پالیسی کے تحت ثانوی اور خصوصی طبی سہولیات کی بہتری کے لیے آئی سی یو (ICU)، سی سی یو (CCU)، ٹراما اور برن سینٹرز قائم کیے جائیں گے، جبکہ کمزور کارکردگی والے صحت مراکز کو آؤٹ سورس اور بزرگ شہریوں کے لیے جیریاٹرک میڈیسن متعارف کرائی جائے گی۔ علاوہ ازیں، کابینہ نے محکمہ جنگلی حیات (وائلڈ لائف ڈیپارٹمنٹ) کو انٹرنیشنل کرین فاؤنڈیشن کے ساتھ مفاہمتی یادداشت پر دستخط کرنے کی اجازت بھی دے دی ہے۔