شمالی کوریا اور روس کا مشترکہ تعاون وسیع کرنے کے عزم کا اظہار

شمالی کوریا کے سربراہ کم جونگ ان نے روس کے ساتھ دوطرفہ اور ستراتیژک تعاون کو مزید وسعت دینے کے عزم کا اعادہ کرتے ہوئے روسی صدر ولادیمیر پیوٹن کی غیر متزلزل حمایت کا اظہار کیا ہے۔ عالمی میڈیا کی رپورٹس کے مطابق کم جونگ ان نے شمالی کوریا کے 78ویں یومِ تاسیس کے موقع پر روسی صدر کے پرخلوص مبارکباد کے پیغام کا جواب دیتے ہوئے کہا کہ پیانگ یانگ، ماسکو کے ساتھ برادرانہ تعلقات اور اتحادی معاہدوں کی بنیاد پر تمام شعبوں میں جامع تعاون کو فروغ دینے کے لیے مکمل طور پر پرعزم ہے۔

کم جونگ ان نے اپنے پیغام میں کہا کہ انہیں کامل یقین ہے کہ روس اپنی سیکیورٹی، قومی مفادات اور بین الاقوامی انصاف کے تحفظ کے لیے جاری موجودہ “مقدس جنگ” میں شاندار فتح حاصل کرے گا۔ انہوں نے روسی صدر ولادیمیر پیوٹن اور روسی عوام کی پالیسیوں کے لیے شمالی کوریا کی جانب سے مکمل اور غیر متزلزل حمایت کا بھی اعادہ کیا۔ دونوں ممالک کے مابین یہ بڑھتا ہوا سفارتی و ملٹری تعاؤن خطے اور عالمی جیو پولیٹکس میں ایک انتہائی اہم پیش رفت قرار دیا جا رہا ہے۔