LIVE TV
Watch Now
Gold:
Intl: /g (22K) PK: /g (22K)
Stocks:
NY:
China:
Pakistan:
India:
TV ONE Logo
اہم خبریں
سپریم لیڈر نے امریکہ کیساتھ مذاکرات پر کوئی پابندی عائد نہیں کی، ایرانی صدر ایران کسی بھی نقصان زدہ جوہری تنصیب کا بین الاقوامی معائنہ نہیں ہونے دے گا، قالیباف دوحہ: ایران امریکہ مذاکرات میں مثبت پیشرفت، فریقین کا بات چیت جاری رکھنے پر اتفاق بیلجیم میں 10 منزلہ عمارت میں خوفناک آتشزدگی، 5 افراد جھلس کر ہلاک کیٹ میڈلٹن نے 24 گھنٹوں میں برطانیہ کی تین بلند ترین چوٹیاں سر کرلیں چیٹ جی پی ٹی کو امریکی شہری نے عدالت میں گھسیٹ لیا، سنگین الزمات جنوبی لبنان کے ضلع بنت جبیل، رشاف قصبے میں متعدد دھماکوں کی آوازیں کینیا اسکول کی 8 لڑکیوں پر ساتھی طالبات کے قتل کے الزام میں فرد جرم عائد 40 سال بعد فیفا ورلڈکپ کے پری کوارٹر فائنل میں پہنچنے پر میکسیکو میں جشن، دم گھٹنے سے 3 افراد جان سے گئے مقبوضہ بیت المقدس میں مستقل سفارتخانے کی تعمیر کیلئے امریکہ و اسرائیل میں معاہدے پر دستخط کراچی میں بارشیں 584 مخدوش رہائشی عمارتوں کو خالی کرانے کا فیصلہ روس اور بحرین کے وزرائے خارجہ کا ٹیلیفونک رابطہ، خلیجی صورتحال پر تبادلہ خیال امریکی نیوی کا ہیلی کاپٹر بحیرہ عرب میں گر کر تباہ حکومت نے پیٹرول اور ڈیزل پر کلائمیٹ سپورٹ لیوی میں اضافہ کردیا وینزویلا میں زلزلوں سے ہلاکتیں 2000 سے تجاوز کرگئیں

کینیا اسکول کی 8 لڑکیوں پر ساتھی طالبات کے قتل کے الزام میں فرد جرم عائد

Web Desk

1 July 2026

کینیا کی ایک عدالت نے اسکول کے ہاسٹل میں دانستہ آگ لگا کر اپنی ہی 16 ساتھی طالبات کو ہلاک کرنے کے لرزہ خیز الزام میں اسکول کی 8 طالبات پر باضابطہ طور پر فردِ جرم عائد کر دی ہے۔

غیر ملکی خبر رساں ایجنسی کی رپورٹ کے مطابق، سرکاری پراسیکیوٹر نے عدالت کو بتایا کہ مئی کے آخر میں کینیا کی رفٹ ویلی (Rift Valley) میں واقع ایک اسکول کے ہاسٹل میں خوفناک آتشزدگی کا واقعہ پیش آیا تھا۔ اس واقعے میں 16 طالبات جھلس کر ہلاک جبکہ دیگر 79 طالبات شدید زخمی ہوئی تھیں۔ تحقیقات کے بعد معلوم ہوا کہ اس المناک آتشزدگی کی ذمہ دار اسکول کی ہی یہ 8 طالبات ہیں۔

رپورٹ میں بتایا گیا ہے کہ یہ ہولناک واقعہ کینیا کے علاقے گلگل (Gilgil) ناکورو کاؤنٹی میں واقع ‘اوتومیشی گرلز اکیڈمی سینئر اسکول’ کے ہاسٹل میں پیش آیا تھا۔ اس اسکول میں زیرِ تعلیم طالبات کی عمریں 15 سے 18 سال کے درمیان ہیں۔

استغاثہ کے مطابق، گرفتار شدہ تمام ملزم لڑکیوں کو نیروبی کی ‘کیبیرا ہائی کورٹ’ کی جج ڈیانا کاویڈزا کے روبرو پیش کیا گیا۔ عدالت میں پیشی کے دوران تمام ملزمات نے اپنے اوپر عائد قتل کے الزامات کو یکسر مسترد کرتے ہوئے خود کو بے گناہ قرار دیا، جس پر عدالت نے کیس کی اگلی سماعت تک کارروائی ملتوی کر دی۔ سرکاری پراسیکیوٹر کی جانب سے مقدمے کی حساسیت کے پیشِ نظر فی الحال مزید تفصیلات جاری نہیں کی گئیں۔

کینیا کے وزیرِ تعلیم جولیس اوگامبا نے اس افسوسناک واقعے کے بعد اپنے ایک بیان میں بتایا تھا کہ مئی میں اسکول ہاسٹل میں آگ لگنے کے بعد ملک بھر کے تعلیمی اداروں میں شدید بدامنی اور احتجاجی لہر پھیل گئی تھی، جس کے باعث حکومت کو ہنگامی طور پر کم از کم 204 سینئر اسکولوں کو عارضی طور پر بند کرنا پڑا تھا۔ تاہم، اب اوتومیشی گرلز اکیڈمی سمیت بیشتر بند تعلیمی اداروں میں تدریسی سرگرمیاں دوبارہ بحال ہو چکی ہیں۔