کراچی کے مختلف علاقوں میں تیزآندھی کے ساتھ بارش، ٹریفک جام، بجلی کانظام متاثر

کراچی کے مختلف  علاقوں میں  تیز  آندھی  کے ساتھ بارش شروع ہوگئی۔نارتھ ناظم آباد، نارتھ کراچی، سرجانی، ایف بی ایریا، صدر اور کلفٹن سمیت مختلف علاقوں میں تیز ہواؤں کےساتھ بارش ہو رہی ہے۔کینٹ، ریلوے کالونی، دہلی کالونی، گلشن اقبال، گلشن جمال اور گارڈن میں  بھی تیز ہواؤں کے ساتھ بارش جاری ہے۔

آندھی کے ساتھ گرج چمک کا سلسلہ بھی جاری ہے، جب کہ بارش شروع  ہوتے ہیں شہر کے مختلف علاقوں میں بجلی کی فراہمی معطل ہوگئی۔جبکہ عید کی شاپنگ کے سلسلے میں مختلف مقامات پرلگائے گئے اسٹالز بھی متاثرہوئے ہیں۔۔شاپنگ کےلیے آنے والے افراد خاص طورپر فیملیزمشکلات کا شکار ہوگئی ہیں جبکہ مختلف سڑکوں پر ٹریفک جام بھی ہوگیاہے۔