افغانستان: کابل میں دھماکا، چینی شہری سمیت 7 افراد جاں بحق

کابل: افغان دارالحکومت کابل کے علاقے شہرِ نو میں زور دار دھماکے کے نتیجے میں 7 افراد جاں بحق جبکہ متعدد زخمی ہو گئے۔ پولیس ترجمان کے مطابق جاں بحق افراد میں ایک چینی مسلم شہری اور 6 افغان شہری شامل ہیں۔

پولیس کے مطابق دھماکا شہرِ نو کے علاقے میں واقع ایک چینی ریسٹورنٹ کے کچن کے قریب ہوا۔ یہ ریسٹورنٹ چینی مسلم شہری عبدالماجد اور افغان شہری عبدالجبار مشترکہ طور پر چلاتے تھے۔

پولیس ترجمان کا کہنا ہے کہ دھماکے کی نوعیت کا تعین ابھی نہیں ہو سکا اور واقعے کی تحقیقات جاری ہیں۔

غیر ملکی خبر رساں ایجنسی کے مطابق شہرِ نو کا علاقہ غیر ملکیوں کی رہائش کے باعث جانا جاتا ہے اور اسے کابل کے محفوظ ترین علاقوں میں شمار کیا جاتا ہے۔