مریم نواز کے صاحبزادے جنیدصفدر رشتہ ازدواج میں منسلک

سابق وزیراعظم نواز شریف کے نواسے اور وزیراعلیٰ پنجاب مریم نواز کے صاحبزادے جنید صفدر، شانزے علی روحیل کے ساتھ  رشتہ اذدواج منسلک ہوگئے۔ بارات لاہور کی نجی ہاؤسنگ سوسائٹی پہنچی جس میں نواز شریف،  وزیراعظم شہبازشریف، وزیراعلیٰ مریم نواز اور اہل خانہ سمیت وفاقی و صوبائی وزرا ملکی و غیر ملکی مہمان بھی شریک تھے۔

جنید صفدرکا نکاح چیئرمین اسلامی نظریاتی کونسل علامہ راغب نعیمی نے پڑھایا۔شانزے علی روحیل پاکستان مسلم لیگ ن کے سینئر رہنما اور سابق رکن قومی اسمبلی شیخ روحیل اصغر کی پوتی ہیں۔جنید صفدر کے ولیمے کی تقریب اتوارکوجاتی امرا میں ہو گی جب کہ ان کی مہندی کی تقریب گزشتہ شب جاتی امرا میں ہی ہوئی تھی۔