جاپان میں قبل از وقت انتخابات: حکمران اتحاد نے دو تہائی اکثریت حاصل کر لی

ٹوکیو: جاپان میں قبل از وقت پارلیمانی انتخابات میں حکمران اتحاد نے واضح کامیابی حاصل کرلی ہے، اور دو تہائی اکثریت حاصل کرلی ہے۔ جاپانی پارلیمان کے ایوان زیریں کی 465 نشستوں کے لیے اتوار کو ووٹ ڈالے گئے۔

انتخابات میں جاپان کی پہلی خاتون وزیراعظم سانائے تاکائیچی کی قدامت پسند جماعت نے 323 نشستوں پر کامیابی حاصل کی، جس کے نتیجے میں دو تہائی اکثریت حاصل ہوگئی۔ اس کامیابی کے بعد وزیراعظم تاکائیچی کے دوبارہ منتخب ہونے کے امکانات روشن ہوگئے اور قانون سازی میں آسانیاں متوقع ہیں۔

64 سالہ سانائے تاکائیچی اکتوبر میں لبرل ڈیموکریٹک پارٹی کی سربراہ بننے کے بعد وزیراعظم بنی تھیں۔ انہوں نے مہنگائی کم کرنے کے لیے سیلز ٹیکس میں 8 فیصد کمی اور فوجی اخراجات بڑھانے کے وعدے کیے ہیں۔