گرفتاری کا خدشہ، اسرائیلی وزیر بن گویر نے امریکہ کا دورہ منسوخ کر دیا

اسرائیل کے انتہائی دائیں بازو سے تعلق رکھنے والے متنازع وزیر برائے قومی سلامتی، اتامار بن گویر نے گرفتاری اور قانونی کارروائی کے خدشے کے پیشِ نظر اپنا دورۂ امریکہ منسوخ کر دیا ہے۔

اسرائیلی میڈیا کی رپورٹس کے مطابق، بن گویر کو اقوامِ متحدہ کی پولیسنگ کانفرنس میں شرکت کے لیے نیویارک جانا تھا، تاہم انسانی حقوق کی عالمی تنظیموں نے ان کی آمد پر بڑے پیمانے پر احتجاجی مظاہروں کا اعلان کر رکھا تھا۔

انسانی حقوق کی ان تنظیموں نے امریکی حکام سے مطالبہ کیا ہے کہ فلسطینیوں پر مظالم اور جنگی جرائم کے تناظر میں بن گویر کے خلاف فوری تحقیقات شروع کی جائیں اور انہیں گرفتار کیا جائے۔ میڈیا رپورٹس کے مطابق، احتجاج اور گرفتاری کے اسی شدید دباؤ کے باعث بن گویر حالیہ دنوں میں دو بار اپنا دورۂ امریکہ منسوخ کرنے پر مجبور ہو چکے ہیں۔