غزہ میں اسرائیلی فوج کے وحشیانہ حملے جاری، حماس رہنما سمیت مزید 12فلسطینی شہید

میڈیارپورٹس کے اسرائیلی حملے میں حماس کے عسکری ونگ القسام بریگیڈز کے  سینئر رہنما محمد الحولی کو شہید کردیاگیا۔حماس نے اسرائیلی حملے کی مذمت کرتے ہوئے کہا ہے کہ یہ کارروائی جنگ بندی معاہدے کی کھلی خلاف ورزی ہے۔ حملے اس بات کا ثبوت ہیں کہ اسرائیل معاہدے کی پاسداری نہیں کر رہا ، بلکہ اسے کمزور کرنے کی کوشش کر رہا ہے۔

واضح رہے کہ گزشتہ اکتوبر سے نافذ جنگ بندی کے بعد سے اب تک چارسوسے زائد فلسطینی شہید ہوچکے ہیں ۔اسرائیل نے غزہ کے نصف سے زیادہ علاقے میں عمارتیں مسمار کرکے لوگوں کو بے گھر کر دیا ہے ، بیس لاکھ سے زائد افراد عارضی پناہ گاہوں یا تباہ شدہ عمارتوں میں رہنے پر مجبور ہیں ۔زارتِ صحت کے مطابق اکتوبر 2023 میں اسرائیل کی نسل کش جنگ شروع ہونے کے بعد سے کم از کم  71 ہزار 455 فلسطینی شہید کیے جاچکے ہیں۔