اسلام آباد،غیر ملکی مہمان کی آمد پر ٹریفک کے لیے متبادل روٹس کا اعلان

غیر ملکی مہمان کی آمد کے پیش نظر، اسلام آباد میں 8 دسمبر کو صبح 11 بجے سے 12 بجے تک اور 9 دسمبر کو رات 9 بجے سے 10 بجے تک مختلف اہم شاہراہوں پر ٹریفک معمول سے زیادہ رہنے کا امکان ہے۔ ان شاہراہوں میں فیصل ایونیو، ایکسپریس ہائی وے اور سری نگر ہائی وے شامل ہیں۔
شہریوں سے درخواست ہے کہ وہ متبادل راستے استعمال کریں اور غیر ضروری سفر سے گریز کریں۔ اس دوران ریڈ زون کے ایکسپریس چوک اور میریٹ گیٹ بند رہیں گے۔ ریڈ زون میں داخلے کے لیے شہری سرینا، نادرا اور مارگلہ روڈ استعمال کریں۔
راولپنڈی سے اسلام آباد آنے والے شہری براستہ راول روڈ، نائنتھ ایونیو، فقیر ایپی روڈ اور سری نگر ہائی وے سے آمد کریں۔ اسلام آباد سے راولپنڈی جانے والے شہری زیرو پوائنٹ اور سری نگر ہائی وے سے نائنتھ ایونیو استعمال کریں۔ مری اور بارہ کہو سے اسلام آباد آنے والے شہری کورنگ روڈ، بنی گالہ، پارک روڈ اور لہتراڑ روڈ سے سفر کریں۔
ٹریفک پولیس کے اہلکار مختلف مقامات پر شہریوں کی رہنمائی کے لیے موجود ہوں گے۔ مزید معلومات کے لیے شہری ITP ریڈیو 92.4 FM اور اسلام آباد پولیس کے سوشل میڈیا پیجز ملاحظہ کر سکتے ہیں۔