اسحاق ڈار اور سعودی وزیر خارجہ کا رابطہ، خطے میں امن و استحکام پر اتفاق

نائب وزیراعظم و وزیر خارجہ سینیٹر اسحاق ڈار نے سعودی عرب کے وزیر خارجہ شہزادہ فیصل بن فرحان سے ٹیلی فون پر رابطہ کیا ہے۔ ترجمان دفترِ خارجہ کے مطابق گفتگو کے دوران دونوں رہنماؤں نے خطے کی تازہ ترین صورتحال پر تفصیلی تبادلۂ خیال کیا اور پاکستان و سعودی عرب کے مابین قائم دیرینہ برادرانہ تعلقات کو مزید مضبوط بنانے اور باہمی تعاون کو فروغ دینے کی توثیق کی۔

اس موقع پر دونوں وزرائے خارجہ نے سفارتی روابط کے مسلسل قیام کی اہمیت پر زور دیا اور خطے میں پائیدار امن، استحکام اور باہمی تعاون کو آگے بڑھانے کے لیے اپنے مشترکہ عزم کا اعادہ کیا۔