پاکستان نے علاقائی امن اور مذاکرات کیلئے مسلسل سفارتی کوششیں کیں: اسحاق ڈار

نائب وزیراعظم و وزیر خارجہ اسحاق ڈار نے کہا ہے کہ وزیراعظم شہباز شریف اور فیلڈ مارشل سید عاصم منیر پاکستان کی عالمی و علاقائی سفارتی کوششوں میں مسلسل مصروف عمل رہے ہیں۔ اپنے ایک بیان میں اسحاق ڈار نے بتایا کہ فیلڈ مارشل سید عاصم منیر نے خطے میں امن و استحکام کے لیے پاکستان کی سفارتی کاوشوں میں کلیدی کردار ادا کیا ہے اور ان کوششوں کے دوران آرمی چیف، وزیراعظم اور دفتر خارجہ کے درمیان بہترین ہم آہنگی و قریبی تعاون قائم رہا۔ انہوں نے مزید زور دیا کہ پاکستان نے ہمیشہ مذاکرات کے فروغ، تنازعات کے حل اور خطے میں پائیدار امن کے قیام کے لیے مسلسل اور مؤثر سفارتی حکمت عملی اپنائی ہے۔