اسحاق ڈار کی کرغز صدر سے ملاقات، ایس سی او رکن ممالک کے درمیان تعاون بڑھانے پر زور

نائب وزیرِ اعظم و وزیرِ خارجہ اسحاق ڈار نے شنگھائی تعاون تنظیم (ایس سی او) کے رکن ممالک کے وزرائے خارجہ کے ہمراہ کرغزستان کے صدر سے ملاقات کی، جس میں علاقائی و عالمی پیش رفت پر تفصیلی تبادلہ خیال کیا گیا۔ ترجمان دفترِ خارجہ کے مطابق اسحاق ڈار نے صدر اور وزیرِ اعظم پاکستان کی جانب سے نیک خواہشات کا پیغام پہنچایا اور ایس سی او وزرائے خارجہ کونسل اجلاس کے دوران پرتپاک مہمان نوازی پر کرغز صدر کا شکریہ ادا کیا۔ اسحاق ڈار نے زور دیا کہ 2026–27 کے لیے پاکستان کی جانب سے ایس سی او کی چیئرمین شپ سنبھالنے کی تیاریوں کے تناظر میں تمام رکن ممالک کے درمیان مسلسل تعاون اور اشتراکِ عمل نہایت اہمیت کا حامل ہے۔