اسحاق ڈار کی یورپی یونین نمائندہ سے ملاقات، خطے کی صورتحال پر تبادلہ خیال

نائب وزیراعظم و وزیر خارجہ سینیٹر اسحاق ڈار نے 33ویں آسیان ریجنل فورم کے سائیڈ لائنز پر یورپی یونین کی اعلیٰ نمائندہ برائے غیر ملکی امور کایا کالاس (Kaja Kallas) سے اہم ملاقات کی۔ ترجمان دفتر خارجہ کے مطابق، اس ملاقات میں پاک-یورپی یونین سٹریٹجک انگیجمنٹ کے تحت دوطرفہ تعاون کو مزید وسعت دینے اور شراکت داری کو مضبوط بنانے کے عزم کا اعادہ کیا گیا۔

ملاقات کے دوران علاقائی صورتحال، بالخصوص ایران اور امریکہ کے درمیان بڑھتی ہوئی کشیدگی اور دیگر عالمی امور پر تفصیل سے تبادلہ خیال کیا گیا۔ دونوں رہنماؤں نے اتفاق کیا کہ ایران امریکہ کشیدگی کے حل کے لیے بات چیت ہی واحد راستہ ہے اور سفارت کاری ہی خطے میں امن و استحکام کی ضامن ہو سکتی ہے۔ گفتگو میں عالمی توانائی کی منڈیوں، بحری سلامتی، اور سپلائی چین پر پڑنے والے اثرات کا جائزہ بھی لیا گیا۔ اس موقع پر اسحاق ڈار نے جی ایس پی پلس (GSP+) فریم ورک کے تحت تمام بین الاقوامی معاہدوں پر مؤثر عمل درآمد کے لیے پاکستان کے پختہ عزم کا دہرایا۔