ایس سی او اجلاس کے موقع پر اسحاق ڈار کی چینی وزیرِ خارجہ سے ملاقات

نائب وزیرِ اعظم و وزیرِ خارجہ اسحاق ڈار نے شنگھائی تعاون تنظیم (ایس سی او) وزرائے خارجہ اجلاس کے موقع پر چینی وزیرِ خارجہ وانگ یی سے اہم ملاقات کی، جس میں پاک-چین دوطرفہ تعلقات اور علاقائی صورتحال پر تفصیلی تبادلہ خیال کیا گیا۔ ترجمان دفترِ خارجہ کے مطابق دونوں رہنماؤں نے کثیر الجہتی فورمز پر باہمی تعاون اور اسٹریٹجک شراکت داری کو مزید مضبوط بنانے کے عزم کا اعادہ کیا۔ اسحاق ڈار نے علاقائی امن و استحکام کے لیے پاکستان کی سفارتی کوششوں پر چینی اعتماد کو سراہا، جبکہ چینی وزیرِ خارجہ وانگ یی نے 2027 میں پاکستان کی میزبانی میں ہونے والے ایس سی او سربراہی اجلاس اور پاکستان کی آئندہ کی قیادت کے لیے نیک خواہشات کا اظہار کیا۔