عراق کی ایران کیساتھ منسلک مسلح گروہوں کو ستمبر کے آخر تک ہتھیار ڈالنے کی مہلت

عراقی حکومت نے ملک میں سرگرم ایران نواز مسلح گروہوں کو مکمل طور پر غیر مسلح ہونے اور ہتھیار ڈالنے کے لیے ستمبر کے آخر تک کی حتمی مہلت دے دی ہے۔

عراقی حکومت کے ترجمان کے مطابق، ان تمام مسلح گروہوں کو ریاست کے سامنے ہتھیار ڈالنے کے لیے تین ماہ کا وقت دیا گیا ہے۔ برطانوی میڈیا کی رپورٹس میں انکشاف کیا گیا ہے کہ اس اقدام کے پیچھے واشنگٹن کا بغداد پر شدید سفارتی دباؤ ہے۔ امریکا نے عراقی حکومت پر زور دیا ہے کہ وہ نئے عراقی وزیراعظم کے آئندہ دورۂ امریکا سے قبل ان تمام متوازی عسکری گروہوں کو غیر مسلح کرے۔ حکومتی ترجمان نے مزید تصدیق کی ہے کہ عراق کے نئے وزیراعظم، علی زیدی، امریکی صدر ڈونلڈ ٹرمپ کی جانب سے ملنے والی سرکاری دعوت پر جلد ہی امریکا کا اہم دورہ کریں گے، جہاں دونوں ممالک کے سیکیورٹی اور دوطرفہ تعلقات پر تفصیلی بات چیت ہوگی۔ ستمبر کی اس ڈیڈ لائن کو اسی سلسلے کی ایک کڑی دیکھا جا رہا ہے۔