امریکا بنیادی ضروریات چھین کر ایرانی عوام کو سرنڈر پر مجبور نہیں کر سکتا، ایرانی صدر

ایران کے صدر مسعود پزشکیان نے کہا ہے کہ امریکا اور اسرائیل معاشی پابندیوں، بنیادی ضروریات کی معطلی اور عوام کا روزگار چھین کر ایرانی قوم کو جھکانا چاہتے ہیں، تاہم ایران پر دباؤ اور دھمکیوں کی حکمتِ عملی کبھی کارگر ثابت نہیں ہوگی۔ بھارتی دارالحکومت نئی دہلی میں مختلف مذاہب کے رہنماؤں، دانشمندوں اور کاروباری شخصیات سے خطاب کرتے ہوئے ایرانی صدر نے اعلان کیا کہ آج ایران امریکہ اور اسرائیل دونوں کی جارحیت کا کامیابی سے مقابلہ کر رہا ہے اور ایرانی قوم کسی بھی صورت امریکی دباؤ قبول نہیں کرے گی۔

صدر مسعود پزشکیان نے شدید تنقید کرتے ہوئے کہا کہ امریکی اور اسرائیلی فورسز نے ایک ہی حملے میں 168 اسکول کے معصوم بچوں کو شہید کیا، ہسپتالوں اور شہری انفراسٹرکچر کو نشانہ بنایا اور ایرانی سائنسدانوں کو قتل کیا، جس کے بعد وہ ایرانی قوم کو دہشت گرد کہلاوانے کے حقدار نہیں ہو سکتے۔ انہوں نے اسرائیل اور امریکہ کو چیلنج دیا کہ اگر ان میں ہمت ہے تو وہ غیر ملکی فوجیوں کے سامنے آئیں، نہ کہ عام شہریوں کے روزگار اور سکولوں کو تباہ کریں۔ انہوں نے واضح کیا کہ اگر ایران کو مزید دیوار سے لگایا گیا تو اس کا بھرپور جواب دیا جائے گا، لیکن ایرانی عوام کبھی اپنے حقوق پر ہتھیار نہیں ڈالیں گے۔