سپریم لیڈر نے امریکہ کیساتھ مذاکرات پر کوئی پابندی عائد نہیں کی، ایرانی صدر

ایرانی صدر مسعود پزشکیان نے امریکہ کے ساتھ جاری مذاکرات کا بھرپور دفاع کرتے ہوئے واضح کیا ہے کہ ملک کے سپریم لیڈر نے ان سفارتی مذاکرات پر کسی قسم کی کوئی پابندی عائد نہیں کی ہے۔

ایرانی سرکاری خبر رساں ادارے ‘آئی آر این اے’ (IRNA) کے مطابق، صدر مسعود پزشکیان نے اپنے ایک بیان میں کہا کہ اگر سپریم لیڈر مجتبیٰ خامنہ ای نے امریکہ کے ساتھ مذاکرات نہ کرنے کا قطعی حکم دیا ہوتا، تو ان کی حکومت یقینی طور پر اس صدارتی اور شرعی حکم پر سختی سے عمل کرتی اور پیچھے ہٹ جاتی۔

واضح رہے کہ امریکہ اور ایران کے درمیان حال ہی میں طے پانے والی مفاہمتی یادداشت پر سپریم لیڈر کے حالیہ موقف کے بعد ایران میں اس معاہدے کے حوالے سے اندرونی سطح پر ایک شدید سیاسی بحث کا آغاز ہو چکا ہے۔ سپریم لیڈر نے اپنے ایک بیان میں کہا تھا کہ وہ اس معاہدے پر کچھ مختلف رائے رکھتے ہیں، جس کے بعد حکومت پر دباؤ بڑھ گیا تھا۔

دوسری جانب، ایران کی نیم سرکاری خبر رساں ادارے ‘تسنیم نیوز ایجنسی’ کے مطابق، صدر مسعود پزشکیان نے ملک کی دفاعی پوزیشن پر بھی بات کی۔ انہوں نے دوٹوک الفاظ میں کہا کہ “ملک کی مسلح افواج کا دفاع کرنا میرا بنیادی فرض ہے اور مجھے اپنی افواج پر فخر ہے۔”