امریکا سے جنگ کے بعد ایرانی پارلیمنٹ کا پہلا اجلاس، اراکین کا آیت اللہ خامنہ ای کی شہادت کا بدلہ لینے کا مطالب

امریکا کی جانب سے مسلط کردہ جنگ کے بعد ایرانی پارلیمنٹ کا پہلا باقاعدہ اجلاس منعقد ہوا، جس میں اراکینِ پارلیمنٹ نے امریکا سے سخت ترین انتقام لینے اور تمام تر مفاہمتی یادداشتیں فوری طور پر ختم کرنے کا مطالبہ کیا ہے۔ چار ماہ کے طویل عرصے کے بعد منعقد ہونے والے اس پہلے اہم اجلاس میں ارکان نے امریکا کے خلاف شدید غم و غصے کا اظہار کیا اور کئی ارکانِ پارلیمنٹ انتقام اور مزاحمت کی علامت کے طور پر “سرخ پرچم” تھامے ہوئے ایوان میں شریک ہوئے۔

ایران کے سرکاری میڈیا کے مطابق، 290 رکنی پارلیمنٹ کے 180 اراکین نے ایک مشترکہ بیان جاری کرتے ہوئے مطالبہ کیا کہ امریکا کے ساتھ تمام جاری مفاہمتی یادداشتوں کو فوری طور پر منسوخ کر کے ایک نیا سخت گیر راستہ اختیار کیا جائے، اور رہبرِ اعلیٰ آیت اللہ خامنہ ای کی شہادت کا امریکا سے بھرپور انتقام لیا جائے۔ اس تاریخی اجلاس میں ملک کے دفاع کے لیے مسلح افواج کی مکمل اور غیر مشروط حمایت کا عہد بھی کیا گیا اور ایک خصوصی مذاکراتی کمیشن قائم کرنے کا مطالبہ سامنے آیا۔

اس ہنگامی اجلاس کے دوران پارلیمنٹ کے ضوابط میں اہم ترامیم بھی منظور کی گئیں، جن کے تحت اب کسی بھی غیر معمولی یا ہنگامی صورتحال میں پارلیمنٹ کا ورچوئل (آن لائن) اجلاس منعقد کیا جا سکے گا۔ مزید برآں، اجلاس کے دوران عالمی تجارتی گزرگاہ “آبنائے ہرمز” (Strait of Hormuz) کی اسٹریٹیجک منیجمنٹ سے متعلق ایک اہم بل بھی منظوری کے لیے پیش کیا گی