ایرانی وزیرِ داخلہ کی جی ایچ کیو آمد، فیلڈ مارشل سید عاصم منیر سے ملاقات

ایران کے وزیرِ داخلہ اسکندر مومنی نے جنرل ہیڈکوارٹرز (GHQ) راولپنڈی کا دورہ کیا، جہاں انہوں نے فیلڈ مارشل سید عاصم منیر سے اہم ملاقات کی۔ پاک فوج کے شعبہ تعلقاتِ عامہ (ISPR) کے مطابق ملاقات کے دوران باہمی دلچسپی کے امور، علاقائی و دوطرفہ سیکیورٹی صورتحال اور پاک ایران سرحد پر مؤثر بارڈر مینجمنٹ پر تفصیلی تبادلہ خیال کیا گیا۔ ترجمان پاک فوج نے بتایا کہ ایرانی وزیرِ داخلہ نے خطے میں کشیدگی کے خاتمے اور امن کے قیام کے لیے پاکستان کے مؤثر سفارتی کردار کو سراہا۔ اس موقع پر دونوں رہنماؤں نے علاقائی سلامتی، استحکام اور دوطرفہ سیکیورٹی تعاون کو مزید مضبوط بنانے کے عزم کا اعادہ کیا۔