عباس عراقچی تہران سے نیویارک روانہ، قطر میں مختصر قیام

ایران کے وزیرِ خارجہ عباس عراقچی نے تہران سے اقوامِ متحدہ کے اجلاس میں شرکت کے لیے نیویارک جاتے ہوئے قطر میں مختصر قیام کیا ہے۔ ایرانی سرکاری خبر رساں ایجنسی ‘ارنا’ کے مطابق عباس عراقچی نے دوحہ میں قیام کے دوران قطر کے حکام سے ملاقات کی اور خطے کی مجموعی اور پیشیدہ صورتحال پر تفصیلی تبادلہ خیال کیا۔ واضح رہے کہ قطر اس وقت امریکا اور ایران کے درمیان کشیدگی کو کم کرنے کے لیے اہم اور فعال ثالث کا کردار ادا کر رہا ہے۔

عباس عراقچی کا دوحہ میں یہ اہم قیام ایک ایسے وقت میں ہوا ہے جب ایرانی حکام نے ثالثوں کے ذریعے ایک بار پھر آبنائے ہرمز کی ناکہ بندی ختم کرنے کے لیے تہران کی بنیادی شرائط سے آگاہ کیا ہے۔ آبنائے ہرمز کی ناکہ بندی کا معاملہ مشرقِ وسطیٰ میں جاری بحران کا ایک مرکزی اور انتہائی حساس نقطہ بن چکا ہے۔ ذرائع کے مطابق فروری کے آخر میں امریکا اور اسرائیل کے حملوں کے جواب میں ایران نے اس حکمتِ عملی پر عمل کرتے ہوئے اس اہم عالمی آبی گزرگاہ کو بلاک کر دیا تھا، اور تہران اب مطالبات پیش کر رہا ہے کہ آبنائے ہرمز سے گزرنے والے کسی بھی بحری جہاز کو ایرانی حکام سے باقاعدہ اجازت نامہ حاصل کرنا ہوگا۔