کسی بھی حملے کافیصلہ کن جواب دیں گے، ایرانی وزیرخارجہ

ایرانی وزیرخارجہ عباس عراقچی کاکہناہےکہ ایران پر کسی بھی نئے حملے کا سخت اورفیصلہ کن جواب دیاجائے گا۔

ایک امریکی اخبارکے مضمون میں عباس عراقچی نے لکھا کہ ایران کے خلاف امریکا کے جارحانہ اقدامات ناکام ہوچکےہیں، جون 2025 میں ایران نے ضبط اور تحمل کا مظاہرہ کیا تھا، دوبارہ حملہ ہوا تو پوری طاقت کے ساتھ جوابی کارروائی کریں گے۔

عباس عراقچی کا کہنا تھا کہ یہ کوئی دھمکی نہیں، حقیقت ہے۔ایران کے خلاف جنگ پورے خطےکو اپنی لپیٹ میں لے لے گی اور دنیا بھرکے عام لوگوں کو متاثر کرے گی۔