ایران کے علاقے سیرک میں کئی دھماکوں کی آوازیں سنائی دی گئیں، ایرانی میڈیا

امریکہ اور ایران کے درمیان جاری شدید فوجی کشیدگی اور تنازع کے دوران ایران کے جنوبی علاقے سیرک میں ایک بار پھر یکے بعد دیگرے کئی زوردار دھماکوں کی آوازیں سنی گئی ہیں۔ ایرانی سرکاری میڈیا کے مطابق ساحلی شہر سیرک میں ہونے والے ان دھماکوں کی اصل وجہ تاحال معلوم نہیں ہو سکی ہے، تاہم یہ وہی علاقہ ہے جہاں گزشتہ چند دنوں سے امریکی افواج کی جانب سے مسلسل فضائی و عسکری کارروائیاں کی جا رہی ہیں۔

دوسری جانب، ایرانی سرکاری ٹیلی وژن نے ابتدائی معلومات کا حوالہ دیتے ہوئے بتایا ہے کہ سیرک میں سنی جانے والی دھماکوں کی یہ آوازیں آبنائے ہرمز میں جاری سیکیورٹی آپریشنل سرگرمیوں، دفاعی مشقوں اور فضائی و بحری نگرانی کے آپریشنز سے متعلق ہو سکتی ہیں۔ واقعے کے بعد علاقے میں سیکیورٹی ہائی الرٹ کر دی گئی ہے اور حکام کی جانب سے صورتِ حال کا جائزہ لیا جا رہا ہے۔