امریکا کا بوشہر میں زیر تعمیر نیوکلیئر پاور پلانٹ پر حملہ خطے کیلئے خطرناک ہے: ایران

ایران نے امریکا پر بوشہر کے متعدد شہری مقامات اور دارخوین میں زیرِ تعمیر جوہری بجلی گھر پر حملہ کرنے کا الزام عائد کرتے ہوئے اسے پُرامن انفراسٹرکچر پر ایک خطرناک حملہ قرار دیا ہے۔ ایرانی نائب وزیرِ خارجہ کاظم غریب آبادی نے سخت مذمت کرتے ہوئے خبردار کیا کہ خطے میں بڑھتی ہوئی بدامنی اور عدم استحکام کی تمام تر ذمہ داری امریکی حکومت پر عائد ہوتی ہے، اور ایران اپنی قومی سلامتی و مفادات کے دفاع کے لیے مناسب جوابی اقدامات کا پورا حق رکھتا ہے۔ دوسری جانب بین الاقوامی جوہری توانائی ایجنسی (IAEA) نے دارخوین سائٹ پر مبینہ حملے کی رپورٹس کا جائزہ لینا شروع کر دیا ہے۔ آئی اے ای اے نے واضح کیا ہے کہ یہ تنصیب تعمیر کے ابتدائی مراحل میں ہے اور آخری معائنے تک وہاں کوئی جوہری مواد موجود نہیں تھا، جس کے باعث تابکاری کے کسی خطرے کا امکان نہیں۔ ایجنسی کے ڈائریکٹر جنرل رافائل ماریانو گروسی نے تمام جوہری تنصیبات کے قریب عسکری کارروائیوں میں انتہائی تحمل کا مظاہرہ کرنے کی اپیل کو دہرایا ہے۔