شہید ایرانی سپریم لیڈر آیت اللہ علی خامنہ ای مشہد میں روضہ حضرت امام رضا کے احاطے میں سپردخاک

ایران کے سپریم لیڈر آیت اللہ علی خامنہ ای کی مشہد مقدس میں تدفین کر دی گئی ہے۔ ایرانی میڈیا کے مطابق ان کی تدفین روضہ حضرت امام رضا علیہ السلام کے احاطے میں کی گئی، جبکہ نمازِ جنازہ ان کے بڑے بیٹے آیت اللہ سید مصطفیٰ خامنہ ای نے پڑھائی۔ سپریم لیڈر کو آخری الوداع کہنے کے لیے مشہد کی سڑکوں پر سوگواران کا ایک بہت بڑا سمندر امڈ آیا۔

رپورٹس کے مطابق آیت اللہ علی خامنہ ای کی تدفین اور جنازے کی 6 روزہ تقریبات تہران، قم، نجف، کربلا اور مشہد میں منعقد ہوئیں، جن میں مجموعی طور پر تقریباً 4 کروڑ 30 لاکھ افراد نے شرکت کی۔ اس سے قبل ان کا جسدِ خاکی عراق کے شہر کربلا میں حضرت امام حسینؓ اور حضرت عباسؓ کے روضوں پر بھی لے جایا گیا تھا جہاں جلوسِ جنازہ میں 70 لاکھ سے زائد سوگوار شریک ہوئے۔ بعد ازاں نجف اشرف سے میت کو ایرانی فضائیہ کے طیاروں کے حصار میں مشہد ایئرپورٹ پہنچایا گیا۔ ایرانی خبر رساں ادارے کے مطابق مرحوم کا تعزیتی اجتماع آج حرم حضرت معصومہؑ میں ہوگا، جس میں نمازِ مغرب و عشاء کے بعد آیت اللہ مجتبیٰ خامنہ ای شرکت کریں گے۔