دشمن کیلئے ’سرپرائز‘ تیار، حملوں پر نئی فوجی ٹیکنالوجی سے جواب دیا جائے گا: ایران

یران نے ایک بار پھر سخت لہجہ اختیار کرتے ہوئے دشمن ممالک کو متنبہ کیا ہے کہ کسی بھی قسم کی عسکری مہم جوئی یا حملے کی صورت میں انہیں ایک بڑا ‘سرپرائز’ دیا جائے گا اور دشمن کے ہر اقدام کا جواب جدید ترین فوجی ٹیکنالوجی کے ذریعے دیا جائے گا۔ ایرانی فوجی حکام کے مطابق تہران نے دفاعی صلاحیتوں اور جدید عسکری و دفاعی ٹیکنالوجی کی تیاری میں نمایاں پیش رفت کی ہے، جس کے تحت نئے اور مہلک ترین ہتھیار تیار کر لیے گئے ہیں جن کا مظاہرہ صرف جنگ کی صورت میں ہی کیا جائے گا۔

ایرانی حکام نے واضح کیا ہے کہ ایران کی مسلح افواج تمام تر سفارتی کشیدگی اور علاقائی چیلنجز کے باوجود مکمل طور پر الرٹ ہیں۔ ایران کا کہنا ہے کہ علاقائی یا عالمی طاقتوں نے اگر ایرانی حدود یا مفادات کو نقصان پہنچانے کی کوشش کی تو ان کا مقابلہ نئی اور غیر متوقع دفاعی صلاحیتوں کے ساتھ کیا جائے گا، جو دشمن کے حساب کتاب کو مکمل طور پر نکارہ بنا دے گی۔